UN PROXECTO de OPROMAR

Esta é unha viaxe para alumnado de 6º de primaria e 1º da ESO dos centros que recibiron información e decidiron participar na proposta de OPROMAR.

Se es nena ou neno doutro centro ou doutros cursos, ou se es unha persoa adulta, podes viaxar tamén. Pero non poderás realizar a ENQUISA nin participar no CONCURSO.

Se es docente e queres que o teu centro participe, podes poñerte en contacto con OPROMAR a través do correo bravasdomar@opromar.com.

Ven e acompáñanos nesta viaxe! 

OPROMAR quere convidarte a coñecer o mundo do mar e a pesca a través dunha viaxe inesquecible onde mulleres incribles che contarán o apaixonante deste mundo.

¿Que é OPROMAR? Pois é unha organización formada por empresas armadoras que posúen barcos de pesca que capturan  peixes en todos os océanos para que despois ti os poidas disfrutar no teu prato.

A pesca é unha actividade moi importante en Galiza. De feito a súa orixe remóntase á prehistoria, onde simplemente se pescaba na franxa costeira para consumo propio. Agora existe detrás da pesca unha industria moi importante, dende as empresas armadoras que capturan o peixe ata as empresas transformadoras que o elaboran, pasando polas empresas distribuidoras que compran e venden o produto.

Tamén forman parte do sector da pesca organismos de investigación, de asesoramento e de toma de decisión política en cada país con interese nos recursos mariños.

Pero agora queremos saber qué coñeces ti deste sector:

Agora sumérxete na historia!

Unha vez que puxeches o teu primeiro gran de area nesta viaxe contestando á enquisa, OPROMAR quere convidarte a coñecer “Bravas do Mar”, a historia de mulleres da pesca que agardamos que che encanten e que te inspiren no teu futuro.

Ser Brava é xenial, pero ser Brava do Mar é extraordinario. Porque Brava significa excelencia e fortaleza, todo xunto. #EUSONBrava e ti?

Continúa viaxando e coñece ás nosas personaxes!

Gustaríache un cara a cara?

Se queres coñecer ás nosas Bravas un pouco máis, escóitaas falar da súa profesión e da súa vida nas entrevistas que OPROMAR lles fixo para esta ocasión tan especial.

Non dubides que son mulleres coas ideas claras, que adoran o seu labor e para as cales traballar en equipo é a clave.

Para elas, aprender dos erros é fundamental e saben que para ter éxito na vida é necesario correr riscos.

Pulsa e visita a zona multimedia!

Entrevistas ás Bravas do Mar

Xoga e aprende con nós

Por último, OPROMAR quere propoñerche dous retos:

O primeiro é que xogues. É moi doado, fai click no botón do XOGO e responde ás preguntas que se propoñen sobre as nosas Bravas do Mar. Cando remates non te esquezas de facer unha captura de pantalla da puntuación acadada para enviarnos. 

O segundo é que crees. Imaxina que es unha Brava ou que coñeces a unha Brava e escríbenos sobre ela. Cando teñas o teu relato listo só tes que envialo a OPROMAR para optar a un premio que agardamos que che guste. Pulsa a continuación e sigue as instruccións para concursar!. 

BRAVAS DO MAR: MULLERES NA PESCA. FAENANDO CARA Á IGUALDADE

Esta é unha pugna por visibilizalas, por darlles o lugar que merecen, o lugar que lles pertence por loitadoras, por valentes, por BRAVAS.

As Mulleres na Pesca foron históricamente ignoradas e en moitos casos menosprezadas. Este é o seu momento, o momento das Bravas do Mar, e por iso este libro e esta iniciativa teñen tanta importancia. Porque agora toca Faenar cara á Igualdade.

#EUSONBrava son historias de mulleres reais, en diferentes ámbitos relacionados co sector pesqueiro. Un sector masculinizado ó longo do tempo, e que aquí se vai escribir en feminino. Porque se busca que o futuro supoña un cambio, e que as que veñan detrás non teñan dúbida algunha da súa valía e que poidan ser o que desexen.

A Organización de Productores de Pesca del Puerto y Ría de Marín, OPROMAR, desenvolve este traballo dentro do seu Plan de Produción e Comercialización 2020, cofinanciado pola Xunta de Galicia e o FEMP.

Libro de #EuSonBrava

BLOG

Aquí atoparás todas as novas de interese sobre o proxecto. Sé a primeira en enterarte!

EU SON BRAVA

EU SON BRAVA

Por Leila Colombino Nievas, de 1º da ESO do IES Soutomaior Eu penso que as Bravas son: VALENTES, LOITADORAS e PACIENTES. Teñen bastantes esixencias. Unha delas é que son mulleres que mariscan de madrugada, que é algo que nos costa a todos, pero o fan para alimentar as...

UN PASO MÁIS PARA SER MARIÑEIRAS

UN PASO MÁIS PARA SER MARIÑEIRAS

Por Aroa Alborés Fernández, de 6º de primaria do CEIP Serra de Vincios Vai moitos anos naceu unha nena pequena chamada María Luísa. O seu pai era peixeiro e a súa nai redeira. Vivía en Baiona cos seus irmáns maiores Xoán e Pablo. Eles dende ben pequenos axudábanlle ao...

VANE, A BRAVA DO NOSO MAR

VANE, A BRAVA DO NOSO MAR

Por Martín Ares Novas, de 6º de primaria do CEIP Serra de Vincios. Vane é unha muller que naceu aos pés do Monte Galiñeiro, e é unha brava como a súa nai, que foi a que abriu a peixaría familiar que hoxe se chama "O noso mar", e que ela leva na actualidade. Dende...