OPROMAR LEVA A CABO NOS CENTROS EDUCATIVOS DA RÍA DE PONTEVEDRA A SÚA INICIATIVA “BRAVAS DO MAR: MULLERES NA PESCA. FAENANDO CARA Á IGUALDADE”.
Como parte do PPeC 2020, Opromar pon en marcha a súa iniciativa de igualdade, #EUSONBrava, nos centros educativos da Ría de Pontevedra permitindo que os alumnos de 5º, 6º e 1º ESO coñezan as historias de mulleres reais, en diferentes ámbitos relacionados co sector pesqueiro. Un sector *masculinizado ao longo do tempo, e que se está escribindo en feminino e que busca un cambio para que as que veñan detrás non teñan dubida algunha da súa valía e que poidan ser o que desexen.
Tras contactar cos centros de Marín e arredores (Pontevedra e Bueu), sumáronse a esta iniciativa 5 centros aos cales se lles fixo entrega do libro “#EUSONBrava”:
- CEIP Campolongo
- CEIP Carballal
- CEIP O Sequelo
- IES Illa de Tambo
- IES Chan do Monte
Ao longo do primeiro trimestre, os/as alumnos/as traballarán o contido da web www.bravasdomar.opromar.com, accedendo aos vídeos das entrevistas ás protagonistas e ao trivial mediante o cal poderán comprobar o aprendido sobre o papel da muller no sector pesqueiros.
Desde aquí, Opromar quere convidar a todo aquel centro que o desexe a contactar con bravasdomar@opromar.com para sumarse a esta esta iniciativa, que pode ser desenvolta desde o departamento de galego ou polos/as titores/as como temática transversal de traballo.
O libro #EUSONBrava está dispoñible en GALEGO, ESPAÑOL e agora tamén en INGLÉS .
Esta iniciativa está incluida no PPeC de *OPROMAR 2020, cofinanciada pola Xunta de Galicia e o FEMP.
