#EUSONBrava

Muller do mar, ti tes a pel cuberta de escamas, polas túas veas corre salitre e  os teus ollos sempre reflicten o vaivén de barcos de pesca. Ese anhelo do son do océano nos teus oídos levoute a formar parte deste mundo complexo.

Nun sector de homes onde a muller sempre tivo un papel esencial pero invisibilizado, conseguiches chegar a postos que ninguén cría que eran para ti e facerte escoitar naqueles outros que xa ocupabas pero onde ninguén te valoraba.

Es brava. Brava do Mar. E esa bravura foi a que che permitiu sobresaír e mostrarte ante o mundo orgullosa de quen es e do que fas.

Grazas por non renderte. Grazas por ser valente. Grazas por pelexar. Grazas por ser Brava.